كانت ليلى ماشيه بالغابه بنص الليل ورايحه لعند نانتها متل في الحكايات (الله يسعدلي تيتتها انا)
والذئب المسكين راح وقفها لليلى وسالها لوين رايحه يا ليلى ؟
ردت عليه ليلي : وانت شو دخلك ولك يا بهيم .... وشو بتعمل هون بنصاص الليالي ؟
وليش بتسالني لوين رايحه ؟؟؟ ول عليك يا حيوان ... ان شاءالله بتخبطك سياره بلا نمره
وبلا شوفير يا رزل يا مبهدل يا قليل الحيا كنو ما عندك خوات ... صحيح قليل حس ووقح
تفوو عليك ومسكت ليلى الذئب من ادنوا وشلفتوا 7 امتار وتابعت المسير لعند نانتها . (حيووووووووووو ابو الشباب ههههههههههههههههه)
هون .. الذئب لقيها كبيره كتير بحقو وقال لحالوا :_
هلق بنت فصعونه ما بتطلع بطول رجلي تشرشحني هيك بوسط الغابه !
قدام الحيوانات الرايحه والجاي واللي بيسوى واللي ما بيسوى ... وانا الذئب اضرب واطرح
... طيب يا ليلى ... راح الذئب اخد تاكسي وطيران على بيت نانتها لا ليلى من شان
يصل قبلها ...
دق الجرس ... فقامت سالت العجوز :_ مينو هاد اللي على الباب ؟
جاوب الذئب :_ انا ليلى ... افتحيلي نانا ... واول ما فتحتلوا الباب اطلع فيها بنظره شريره من
طرف عينو وقلا :_ يبلاكي بكتله شو هبله مين قلك انا ليلى بتفتحيلوا ؟
ولك كيف بقولوا عنك ذكيه وحربوقه ؟؟؟
تسائل الذئب ؟؟؟ وركض وراها من غرفه لغرفه ومن غرفه لغرفه وهي عم تصيح وتولول
وكل ما بدها تيجي تفتح تمها بكلمه يلطشها الذئب بهداك الكف على بوزا ... وعمى قمارها
وبالاخر حاصرها بزاوية الاوضه وقلها ... تعبتيني يا ختيارة الجن ... واكلها .
وفي نفس الوقت انفتح باب المصعد وظهرت ليلى وقد سمعت صوت ولاويل وعياط جاي من البيت
وباب نصه مفتوح فنطت نط جوا البيت وشافت الذئب بعد ما اكل الجده المسكينه
فخاطبها الذئب مستهزئا ... :_ ورجيني يالا شو بدك تعملي يا مسخه (هلا ...ههههههههه)
وردت ليلى عليه وقد تطاير الشرر من عينيها : طيب انا اللي بورجيك ..
واستلت ليلى من تحت البلوزه على خصرها موس كباس ابو ثلاث نجوم بطول 20 سم (حاسة حالي بتفرج على طوشة اهل الخليل ههههههههههههههه)
وشرحت فيه الذئب وقطعت اوصاله حتى خرجت نانتها من بطن الذئب ...
وهنا حصلت المفاجاه حين صرخت ليلى : ناااااااااااااااااااااااااااااااااانا ...
ولي انتي مش نانتي !!! منو انتي وشو عم بتسوي هون ؟؟؟؟
واجابت العجوز بدهشه ... عرفتك مو انتي ليلى بنت بنت جارتي ام عبدو اللي بالطابق الرابع ؟
فاجابت ليلى ... ليه انا باي طابق ؟
وردت العجوز .. هاد الطابق التالت ... بس الاصنصور في مشكله وبدل ما يطلع على الطابق
الرابع بوقف بالطابق التالت ...
فاجابت ليلى معتذره .... يييييه عدم المؤاخزه حجه ... بس ما اكون ازعجتك ...
مزبوط انا ليلى وجاي عند نانتي ... بس معناها كل الحق على الاصنصور ... طنيب عليكي
لا تاخزيني يا حجه ...وهلا رح نظفلك ياه وخليه متل البفته . (البفتة هههههههههههههه)
وقامت ليلى بتنظيف البيت من جثة ودماء الذئب ووضعتها في كيس الزباله وشلفتوا من البلكون (والله انها جدعة )
وثم اخذت ليلى سلتها ودخلت الى المصعد متوجهه الى بيت تيتتها .
يشرفـ{ـنا} أن تقومـd]بالتسجيل~>
] إذا رغبتـ، بالمشاركة في المنتدى، 
فتفضلــ بزيارة القسمـ الذيـ, ترغبـ، أدناهv .واذا اذا كنتـ، احد الاعضاء فتفضلــ بالدخول..}
موضوع: ليلى الفلسطينيه والديب 
26/06/08, 03:45 pm
