الردود العابرة

موضوع: الردود العابرة 03/10/09, 04:11 pm

عدت منذ فترة وفي جعبتي الكثير الكثير مما كنت أعد العدة كي أضعه بين أيديكم
أشارككم به كل تفاصيله
فنتجاذب أطراف الحديث خلاله وعنه وفيه ..

...

لكن واجهتني بعض الحواجز البسيطة
والتي طالما واجهت الكثير من المشاركين في شبكة الإنترنت

أحبتي ..

نحن في عالم اخترنا تفاصيله بأنفسنا
ونسجنا تعابيره بحروفنا وعبق طروحنا
فكنا .. دوماً ..
كالعائلة الواحدة
إخوة وأخوات

أهل نساند بعضنا البعض في الأزمات
لكن ..
مما قد قض مضجعي في محاولاتي المتواضعة والهادفة نحو النهوض بالمنتدى وأعضائه الكرام
أجد تلك الصخرة الكبيرة
ألا وهي

" الردود العابرة "

أردت تسميتها بالعابرة
ليس ليش وإنما لكونها لا تزيد في الموضوع إلا عدد الردود والزيارات
آلمني جداً ان أرى الكثير منها بين صفحات المواضيع ها هنا
فكلما دخلت موضوعاً أو انشئت آخر
تلهفت لأقرأ المشاركات والآراء المتعددة للأعضاء
لكن أصدم بقول يصدر من هنا
( مشكور / ة ) / ( شكرا إلك ( / ( موضوع حلو )

وآخر من هناك
يطري وينشد المزيد
أي مزيد ..!!
ونحن لا نجد إلا القليل من التفاعل مع محتويات الصفحات
ونرى التشكرات تنهال علينا من كل حدب وصوب

آسّفُ كثيراً جداً لقسوة قد تجدونها في عباراتي

لكن ..
أتأمل أن يصل مرادي لكم

فلنكن يداً واحدة في محاربة الردود العابرة
ولنجعل منتدانا عامراً بحروفنا الندية
وآرائنا الفذة
وصدى كلماتنا
واعذروا إطالتي عليكم
موضوع أحببت وضعه ها هنا ليتسنى لنا النقاش حول هذه الردود
وكيفية محاربتها والتخلص من آفتها

لكم وافر محبتي

موضوع: رد: الردود العابرة 04/10/09, 12:02 am

ثااااااااانكس خيتي اماليا على الطرح
بس كمان الرد على المواضيع تقريبا في معظم المنتديات
بكون بهالطريقه يعني من ناحيتي هالردود لا تعتبر عابره وخاصه منتدانا

انا فاهم قصدك ونظرتك للردود بس الروتين هيك
او طريقه نص الرد بتكون بهالطريقه

احلى تقييم +

موضوع: رد: الردود العابرة 04/10/09, 01:00 am

one angel كتب:: ثااااااااانكس خيتي اماليا على الطرح
بس كمان الرد على المواضيع تقريبا في معظم المنتديات
بكون بهالطريقه يعني من ناحيتي هالردود لا تعتبر عابره وخاصه منتدانا

انا فاهم قصدك ونظرتك للردود بس الروتين هيك
او طريقه نص الرد بتكون بهالطريقه

احلى تقييم +

والله يا خيي
إزا بدها تصير معزم الردود هيك
المنتدى راح تروح نكهتو وحتغيب شمسو شوي شوي
صحيح هالردود ظاهرة منتشرة بكتير منتديات
بس لشو نكون متلهم ومنهم ونرضى هالشي يصير عنا ؟؟
ليش ما نكون من المنتديات المميزة بطروحها وردودها ؟؟

هي دعوة بتوجه فيها من هالموضوع المتواضع بكل ما فيه للأعضاء
بحملة ضد الردود العابرة أو السريعة

بتشكرك خيي اينجل على مرورك وتفاعلك مع الموضوع
أسعدني وجودك
وكل الشكر لتقييمك ياللي بفتخر في
^-^

نورت

موضوع: رد: الردود العابرة 09/10/09, 03:00 pm

موضوع كتير حلو ومهم اختي اماليا
انا بنظري انه الردود الي عنها متل ماهي يعني مابتختلف كتير يعني مابنقدر نجيب ردود غيرها ونرد بس مابنسميها ردود عابرة بالعكس هاي لغتنا واحنا الي بنقدر نركب الرد من عنا يعني بيقدر الشخص انه يرد بطريقته الخاصة وكل شخص فينا عندة طريقة خاصة بس احيانا في مواضيع بتجذب اهتمامنا اكثر من غيرها عشان هيك بتلاقي ردود بمواضيع مختلفة مميزة لانه الموضوع بيستحق كل هالرد المميز
مشكورة مرة تانية بس موضوعك جد كتير حلووو

موضوع: رد: الردود العابرة 20/10/09, 12:15 am

*الخنساء* كتب:: موضوع كتير حلو ومهم اختي اماليا
انا بنظري انه الردود الي عنها متل ماهي يعني مابتختلف كتير يعني مابنقدر نجيب ردود غيرها ونرد بس مابنسميها ردود عابرة بالعكس هاي لغتنا واحنا الي بنقدر نركب الرد من عنا يعني بيقدر الشخص انه يرد بطريقته الخاصة وكل شخص فينا عندة طريقة خاصة بس احيانا في مواضيع بتجذب اهتمامنا اكثر من غيرها عشان هيك بتلاقي ردود بمواضيع مختلفة مميزة لانه الموضوع بيستحق كل هالرد المميز
مشكورة مرة تانية بس موضوعك جد كتير حلووو

صحيح كلامك
بس برضو انا ما عم بطلب جزالة بالردود
فينا بعبارات بسيطة وكلمات أليلة نعلئ على مضمون الموضوع ونعطي معنى وطعمة
كلمات الشكر الكتيرة بتروح نكهتو
واكيد كلامي من عن كل المواضيع متل ما التي في مواضيع بتشدنا اكتر من غيرها

بتشكرك كتير حبيبتي خنساء على مرورك ورأيك القيم
يا هلا فيكي
نورتي